الهوى هوايا ***أنا الهوا هوايا

ابنى لك قصر عالى *** واخطف نجم الليالى
واشغلك عقد غالى ***  يضوى بأحلى الصبايا
دانا الهوا هوايا هوايا
يبقى القمر قاربنا *** والليل بحر مهاودنا
والنسمه اللى تاخدنا ***ترجع شايله الحكايه
أنا الهوا هوايا هوايا
ندخل كتب الحكاوى *** واروى سنينك غناوى
واعمل طبيب مداوى *** واشيل حبى دوايا
أنا الهوا هوايا هوايا
ارسم صورتك بيدى *** ع النسمه اللى تعدى
ع البدر ابو ضحكه وردى *** ع العمر اللى ورايا
انا الهوا هوايا هوايا
لو الايام بعدونى ** يصاحبك نور عيونى
ولو خابت ظنونى *** تصحى فى ليل منايا
انا الهوا هوايا هوايا
فى عنيك ياحبيبتى *** تتوه منى سفينتى
وكفايه انك انت ** اللى فضلت معايا
انا الهوا هوايا هوايا
لكن وانا كلى حيرا *** مش بملك يا أميرا
من أحلامى الكتيره *** غير ضحكى وبكايا
انا الهوا هوايا هوايا